বিংশ শতিকাৰ অস্তাকাশত
দিনৰ চিতা জ্বলিবনে ?
বিংশ শতিকাৰ অস্তাকাশত
দিনৰ চিতা জ্বলিবনে ?
একবিংশৰ প্ৰথম প্ৰভাতে
দিগন্ত উজলাবনে ?
উজলাব !
উজলাব !
উজলাব !
দুটি শতিকাৰ সংগমে সংগমে
আশা নিৰাশাৰ গণনা.. !
লুকা-ভাকু খেলি
মৃত্যুৱে কৰে
বিশ্ব প্ৰেমৰ চলনা.. !
বিচ্চিন্নতাৰ গুটি সিঁচি সবে
নিবিৰ খেলেহে খেলিবনে ?
একবিংশ শতিকাৰ প্ৰথম প্ৰভাতে
দিগন্ত উজলাবনে ?
উজলাব !
উজলাব !
উজলাব !
পৃথিৱী এখন সৰু গাওঁ হ'ল
মহাকাশ ৰনাঙ্গণ.. !
গণ সংযোগে মুখা পিন্ধি নাশে
মূল্যবোধৰ ক্ৰন্দন !
দুটি শতিকাৰ সন্ধিক্ষণত
সত্যৰ জ্যোতি জ্বলিবনে ?
জ্বলিবনে ?
জ্বলিবনে ?
শীতৰ যুঁজৰ হেনো অন্ত পৰিল
পৃথিৱীত শান্তিৰ কপৌ পৰিল !
পিছে শীতলতাৰেই তলে তলে
উমি উমি উমি ক্ৰোধাগ্নি জ্বলিল
সেই সৰ্বনাশী জুই নুমাবনে ?
সেই শান্তিৰ ফুল হ'বনে ?
একবিংশৰ প্ৰথম প্ৰভাতে
দিগন্ত উজলাবনে ?
উজলাব !
উজলাব !
উজলাব ... !
(ভূপেন হাজৰিকাদেৱৰ কণ্ঠেৰে নিগৰিত গীত)
No comments:
Post a Comment