গৌৰীপুৰীয়া গাভৰু দেখিলোঁ

গৌৰীপুৰীয়া গাভৰু দেখিলো

হাতী ধৰিবলৈ গৈ

হাতীও ধৰিলো তাইকো মুহিলো

সাতুৰি গদাধৰ নৈ হে

গৌৰীপুৰীয়া গাভৰু দেখিলো

হাতী ধৰিবলৈ গৈ

...

মহলৰ কাষতে

নৈৰে পাৰতে

আছিলে অকলে ৰৈ হে

গৌৰীপুৰীয়া গাভৰু দেখিলো

হাতী ধৰিবলৈ গৈ

.....

গোৱালপাৰাৰ হাতী-ম’হৰ

মাউত নানা স্থানৰ

তাৰেই মাজত মাথোন ম‍ই

শিবসাগৰৰ গাৱৰ

সেয়ে গভীৰ হাবিত গাইছিলো

বিহু বহাগৰ

কি গাইছিলো ?

পৰ্বতে পৰ্বতে বগাব পাৰো ম‍ই

লতানো বগাবলৈ

লতানো বগাবলৈ টান

বলীয়া হাতীকো বলাব পাৰো ম‍ই

বলীয়া হাতীকো বলাব পাৰো ম‍ই

তোমাকনো বলাবলৈ

তোমাকনো বলাবলৈ টান

গাভৰুৰ বলালো মন

লতাও বগালো

বিহু গায়েই অচিন সুন্দৰীৰ

চিত হৰি নিলো

কষ্ট কৰিলে ৰত্ন মিলিব

কথাটি শিকিলো

.....

হে গৌৰীপুৰীয়া গাভৰু দেখিলো

হাতী ধৰিবলৈ গৈ

হাতীও ধৰিলো তাইকো মুহিলো

সাতুৰি গদাধৰ নৈ হে

গৌৰীপুৰীয়া গাভৰু দেখিলো

হাতী ধৰিবলৈ গৈ

তেজক পানী কৰি কৰি

হস্তিনী ধৰিলো

ধৰাৰ পিছত মহলদাৰৰ

মাননী লভিলো

সেয়ে কইনাক দেখুৱামগৈ

দিখৌ নৈৰ পাৰ

....

হে গৌৰীপুৰীয়া গাভৰু দেখিলো

হাতী ধৰিবলৈ গৈ

হাতীও ধৰিলো তাইকো মুহিলো

সাতুৰি গদাধৰ নৈ হে

গৌৰীপুৰীয়া গাভৰু দেখিলো

হাতী ধৰিবলৈ গৈ





(ইউনিক’ডীয় ৰূপান্তৰ-দীপা ডেকা)