পিয়লি পিয়লি

পিয়লি, পিয়লি ! ক’তনো লুকালি

মুকুতি যুঁজৰ সেনপতি ?

পৰেবতৰ শিখৰতে, ভৈ্যামৰ নামনিতে

দেশৰ ল’ৰা-বুঢ়াই উচুপিছে দিনে-ৰাতি ৷

আমাৰ পিয়লি বোপাটিৰ নাভাঙিলে কালঘুমটি

মৰণে ল’লে সাবটি ৷

দেশৰে আকাশত জুইৰে আঁকিলে

স্বাধনতাৰ হাতীপটি ৷

পিয়লিক সুঁৱৰি দিখৌ নৈ থমকে

চকুপানী টুকি টুকি ৷

মুকুতিৰ শিখা ৰাইজে জ্বলাব

পিয়লিৰ থাপনা পাতি ৷

মুকুতি যু্রজৰ সেনাপতি ৷

(কথাছবি : পিয়লি ফুকন, ১৯৫৫ চন)

(ভূপেন হাজৰিকাদেৱৰ কন্ঠেৰে নিগৰিত গীত)

(ইউনিক'ডীয় ৰূপান্তৰ - দিগন্ত শইকীয়া)