অনুসন্ধান আকাংক্ষাত

Wednesday, April 11, 2012

সূৰ্য্য উদয় যদি লক্ষ্য আমাৰ


সূৰ্য্য উদয় যদি লক্ষ্য আমাৰ
সূৰ্য্যাস্তৰ পিনে ধাৱমান কিয় ?
শীতল বৃষ্টি যদি কাম্য আমাৰ
অনাবৃষ্টি খেদি ফুৰিছোঁ কিয় ?
ফুৰিছোঁ কিয় ?

কেতিয়াবা দেউতাৰ চকু দুটা পোৰে
বুঢ়ী আয়ে নিজৰেই চকুপানী পিয়ে
দেশৰ ৰাইজখনে প্রাপ্য বিচাৰি
নিজৰেই ডিঙি পাতি দিয়ে ৷

ভাবিছিলোঁ কিবা পিচে হলগৈ কিবা
অঙ্কটো নিমিলা হ
সমৃদ্ধি সপোন ভাগিল ছিগিল
পৃথিৱী নিমাতী হল অ আই
পৃথিৱী নিমাতী হল ৷
সমাজ ঘড়ী আজি থমকিছে কিয় ?
অনাবৃষ্টি খেদি ফুৰিছোঁনো কিয় ?

সংজ্ঞাবিহীন শান্তিৰ ভাবনা
পুৰণি গুহাতে লুকায়
অৱচেতনাৰ আৰ্ত্তনাদেৰে
নিজকে নিজেই গপিয়ায়
বহুদিন হল .. খৰাং বতৰ
ক্ষয় চিহ্নিত ভালপোৱা
বৰগছ শিপা আৰু কঠিয়াতলীত
তেজ ঢালিবলৈ যোৱাঁ
সাৰ ঢালিবলৈ যোৱাঁ ৷

হওক কলিজাৰ তেজবোৰ
কাজল কাজল মেঘ
মৃত ভাইটিৰ চকু কৃষ্ণচূড়া
ব্যক্তি গোষ্ঠী মিলি বোৱাওঁ আহাঁ
শান্তি শীতল নিজৰা ৷
আৰু সময় নষ্ট কৰোঁ কিয় ?
সূৰ্য্য উদয় যদি লক্ষ্য আমাৰ
সূৰ্য্যাস্তৰ পিনে ধাৱমান কি ?

(মুম্বাই: ১৬ জুন, ১৯৯৭ চন)
(ভূপেন হাজৰিকাদেৱৰ গীত)
(ইউনিক'ডীয় ৰূপান্তৰ - দিগন্ত শইকীয়া)

No comments: