আগলি বাঁহৰে, লাহৰি গগনা
বাজি উঠিল কিয় ?
আগলি কলৰে
এখিলানো পাত
কঁপি উঠিল কিয় ?
মুকুতিৰ উৰুলি শুনি
অহঙ্কাৰী ৰজাৰ
নগৰী
কঙ্কাল হ’ল কিয় ?
বন্দীশালৰ
শিকলিবোৰ
ছিগি পৰিল কিয় ?
মুকুতিৰ উৰুলি
শুনি ৷
ৰাজকাৰেঙৰ ৰঙা
চকু নেউচি আহিল কোন ?
ডেকা বৰুৱাহে
এইজন, মোৰেই কেঁচা সোণ
বজ্রকঠোৰ
ৰাজনীতিক নেউচি োলাল কোন ?
ৰূপহী ৰাজকুঁৱৰী
মোৰ আকাশৰে জোন ৷
মৰম বৰনামঘৰৰৰে
বৰখুঁটা পুতিলোঁ
সমপ্রেমৰ সোণ
ৰূপৰ পাট মেৰিয়ালোঁ ৷
আওপুৰণি নীতি
নিয়ম আমিয়ে ভাঙিলোঁ
মন সীমাক বাধা
দিয়া ধন গছকিলোঁ ৷
নীৰসজনক জীপাল
কৰা বৰদৈচিলা আমি
বিচাৰৰে
তুলাচনীৰ বিচাৰকো আমি
শতিকাৰে
এলান্ধুকে হাৰোঁ-পেচোঁ আমি
হমতাৰে ৰহণ সানি
নিকা কৰোঁ আমি ৷
মুকলি আকাশ
মুকলি উশাহ
আমি দুয়ো আজি
যেন
মুকলি প্রকাশ
দুটি দেহৰ দুটু
দুটি মানুহ
একেটি মাথোন
হিয়া
সমুখতে বাট আমাৰ
মৰম সেন্দুৰীয়া
৷৷
(কথাছবি: বনহংস, ১৯৭৭ চন )
(ভূপেন হাজৰিকাদেৱৰ গীত)
(ইউনিক'ডীয় ৰূপান্তৰ - দিগন্ত শইকীয়া)
No comments:
Post a Comment