ম:ৰ: ৰমজানৰে ৰোজা গ’লওলাল ঈদৰ জোন
চেনেহৰে মেহফিলতে বহে আজি কোন কোন ?
বহে আজি কোন কোন ?
না:স: চেনেহৰে মেহফিলতে বহে আজি কোন কোন ?
বহে আজি কোন কোন ?
ম:ৰ: আজি ঈদ মজলিছতে
একেলগে বহিছে
না:স: একেলগে বহিছে
ভূ:হা: আজি ঈদ মজলিছতে
ৰহিম চাচাও বহিছে
না:স: একেলগে বহিছে
ম:ৰ: আজি ঈদ মজলিছতে
শ্রীৰাম কুমাৰো বহিছে
না:স: একেলগে বহিছে
নাৰী: আজি ঈদ মজলিছতে
ফাতেমা পেহী বহিছে
সমস্বৰে:একেলগে বহিছে
নাৰী: আজি ঈদ মজলিছতে
ফাতেমা পেহী বহিছে
না:স: একেলগে বহিছে
নাৰী: আজি ঈদ মজলিছতে
তৈয়াৰ মোমাইটি বহিছে
না:স: একেলগে বহিছে
ম:ৰ: আজি ঈদ মজলিছতে
জেকব খুড়াও বহিছে
না:স: একেলগে বহিছে
ভূ:হা: ইনচানিয়ত লৈ মেহফিলত আমিও বহোঁচোন
ম:ৰ: ইনচানিয়ত লৈ মেহফিলত আমিও বহোঁচোন
আমিও বহোঁচোন ৷
ম:ৰ: আমাৰ গাঁৱৰ আতাজানে পুৰণি কথা জানে
না:স: পুৰণি কথা জানে
পুৰণি কথা জানে
ম:ৰ: পুৰণি কথা জানে
পুৰণি কথা জানে
পুৰণি কথা জানে
পুৰণি কথা জানে
না:স: পুৰণি কথা জানে
ম:ৰ: চমৰখন্দ বোখাৰাৰ ওমৰ খৈয়ামক জানে
ভূ:হা: শ্বাহেনশ্বাহ আকবৰৰ উদাৰতাও জানে
ম:ৰ: মোগল –ৰাজপুত মিলি ছবি
অঁকাৰ কিচ্চাও জানে
নাৰী: টিপু চিৰাজদৌল্লাৰ আজাদীৰ লড়াই জানে
না:স: পুৰণি কথা জানে
ম:ৰ: আ........(আলাপ)
গান্ধীজীৰ.. বুকু ভেদা... গুলীৰ.. কথাও.. জানে...
গুলীৰ কথাও জানে
পু:স: গুলীৰ কথাও জানে
ভূ:হা: দুনিয়াৰ নাতি জৱাহৰ চাচাকো জানে
না:স: পুৰণি কথা জানে
পুৰণি কথা জানে
ম:ৰ: আজি ভাৰততে মুহব্বতৰ আমি সিঁচোঁ সোণ
আমি সিঁচোঁ সোণ
ম:ৰ: আজি কিয় অসমীৰে কথা মনত পৰিছে
না:স: কথা মনত পৰিছে
কথা মনত পৰিছে
ম:ৰ: আমাৰ হাজোত মক্কাৰ দৰে পোৱামক্কাও সাজিছে
না:স: কথা মনত পৰিছে
ভূ:হা: কাষতে মাধৱৰে মন্দিৰো বিৰাজ কৰিছে
না:স: কথা মনত পৰিছে
ম:ৰ: ৰাম ৰহিমে ঘাম মচি এটা জাতি গঢ়িছে
না:স: কথা মনত পৰিছে
ভূ:হা: শঙ্কৰে ইছলামকো সন্মান যাচিছে
না:স: কথা মনত পৰিছে
নাৰী: আজানে জিকিৰ ৰচি ভাষা চহকী কৰিছে
না:স: কথা মনত পৰিছে
নাৰী: ভকতক ফকীৰে চালাম গীতেৰে জনাইছে
না:স: কথা মনত পৰিছে
ভূ:হা: দিলোৱাৰ দোসায়ে শ্রীহস্তী পুথি আঁকিছে
না:স: কথা মনত পৰিছে
ম:ৰ: লক্ষ্মীধৰে চিৰাজ কাকাৰ গুণ বখানিছে
না:স: কথা মনত পৰিছে
ভূ:হা: জ্ঞান বিলাই নফিজেও জ্ঞানমালিনী ৰচিছে
না:স: কথা মনত পৰিছে
ম:ৰ: কোৰান গীতাই ইনচানকে ইনচান হ’ব কৈছে
না:স: কথা মনত পৰিছে
নাৰী: ফৰমুদ আলি.. বাউল হৈ... মুক্তি.. গীত ৰচিছে...
না:স: কথা মনত পৰিছে
কথা মনত পৰিছে
ম:ৰ: আ........(আলাপ)
বাহাদুৰ গাঁওবুঢ়াই ...! জান দি..... ! মণিৰামক সেৱিছে...
এই বেহতৰিণ দোস্তি ভাঙে সেই দুচমন কোন ?
সেই দুচমন কোন ?
এই বেহতৰিণ দোস্তি ভাঙে সেই দুচমন কোন ?
সেই দুচমন কোন ?
ম:ৰ: মজলিছৰে ডেকা-বুঢ়াই কাৰ কাৱালী শুনিছে
না:স: কাৰ কাৱালী ও শুনিছে
ভূ:হা: এই কাৱালে মেহফিলকে সুকুৰ আদা কৰিছে
সমস্বৰে:কাৰ কাৱালী ও শুনিছে
ম:ৰ: আ........(আলাপ)
ভূপেন্দ্র কাৱালে মজলিছৰে ...... !
এই কাৱালে মজলিছৰে ...!
ইজাজৎ বিচাৰিছে.... !!
(কথাছবি: লটিঘটি,১৯৬৬ চন)
(মহম্মদ্ ৰফি আৰু ভূপেন হাজৰিকাদেৱৰ কন্ঠেৰে
নিগৰিত কাৱালি)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment