ভূ:হা: নামি আহা সুন্দৰৰে
দুয়ো: সেনা শিল্পী দল
এৰা সপোন-ধেমালি..
বাধা যদি নিদিয়া
পিশাচী এন্ধাৰক
ধৰা হ’ব ৰণেৰে ৰাঙলী ৷
ভূ:হা: বাটে-পথে যায় চোৱা
সৌৱা পালে পাল
মুমূৰ্ষু জীৱিত নৰকঙ্কাল
সিহঁতৰ কাৰণে
আশাৰ গীত গোৱা জীৱনত
সিহঁতৰ ৰহণ বোলোৱা
দুয়ো: আজি মৰণক মষিমূৰি
জীৱনৰ জেউতিৰে
জ্বলোৱা দীপাৱলী
বাধা যদি নিদিয়া
পিশাচী এন্ধাৰক
ধৰা হ’ব ৰণেৰে ৰাঙলী ৷
ভূ:হা: অ’........
শঙ্কৰে যুঁজিলে সুৰৰে বৈৰী
নিশাচৰ যতমান পলালে লৱৰি
আজি জীৱনৰ নাটকৰ দৃশ্য দেখুওৱা
আজি ৰণৰ অগনিক সুৰৰে নুমোৱা
দূয়ো: নহ’লে সিহঁতে তীক্ষ্ণ নখেৰে
শিশুৰ কলিজা খাব ফালি
(আজি) সমাজৰ নাটঘৰ সজোৱা-পৰোৱা
সাম্যৰ ৰহণ ঢালি
শান্তিৰ ৰহণ ঢালি
বাধা যদি নিদিয়া পিশাচী এন্ধাৰক
ধৰা হ’ব ৰণেৰে ৰাঙলী
নামি আহা সুন্দৰৰে
সেনা শিল্পী দল
এৰা সপোন-ধেমালি..
বাধা যদি নিদিয়া
পিশাচী এন্ধাৰক
ধৰা হ’ব ৰণেৰে ৰাঙলী
ধৰা হ’ব ৰণেৰে ৰাঙলী
ধৰা হ’ব ৰণেৰে ৰাঙলী ৷৷
(গুৱাহাটী: আগষ্ট , ১৯৫৩ চন)
(ভূপেন
হাজৰিকাদেৱ আৰু লগৰীয়াসকলৰ কন্ঠেৰে নিগৰিত গীত)
(ইউনিক'ডীয় ৰূপান্তৰ - দিগন্ত শইকীয়া)
No comments:
Post a Comment