মোৰ গানত জ্বলে
শত যুগৰ কত অভিমান
মোৰ গানে বিচাৰে
চিৰ দুখীয়াৰ
চিৰ পৰিত্ৰাণ ৷
মোৰ গানত গুমৰি
ভূঁইকঁপ
কৰে
পৃথিৱীৰ
নিৰ্ব্বাণ
মোৰ গানৰ জুয়ে জগত পুৰিব
দুষ্কৃত সাৱধান ৷
মোৰ অস্থিৰে মই ৰচিছোঁ বজ্ৰগান ৷
প্ৰালয়িকী
মোৰ জাগিছে ছন্দ
কৃতান্ত
মূৰ্ত্তিমান
গানেৰে মই বিশ্বজীৱন
কৰি
আছোঁ আহ্বান ৷৷
(জ্যোতিপ্ৰসাদ আগৰৱালাদেৱে ৰচা গীত ; ০৮/০৯/১৯৪৯)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment