ঢাক্ ঢাক্ ঢাক্ ঢাক্

ঢাক্ ঢাক্ ঢাক্ ঢাক্

ঢাক্ ঢাক্ ঢাক্ ঢাক্ ঢাকেই বাজালি !

লাখ্ লাখ্ তহঁত থাকিও একো নেপালি !

ঢাক্ ঢাক্ ঢাক্ ঢাক্

ঢাক্ ঢাক্ ঢাক্ ঢাক্ ঢাকেই বাজালি !

লাখ্ লাখ্ তহঁত থাকিও একো নেপালি !

খাটি খোৱা তহঁতবোৰক দোস্ত কৰি লৈ

কুবুদ্ধিৰে দৈত্যবোৰে তেজ শুহি লয় ,

যুগে যুগে ঠগ্ খায়ো নুবুজা হ’লি

লাখ লাখ তহঁত থাকিও একো নেপালি ৷

মুখৰ ভাষা বুকুৰ আশা বন্ধকত থ’লি

সেই বাবে কেঁচা যৌৱন নিশা বেচিলি !

হিম্মতবিলাক হেৰুৱাই ক’লৈ পলালি

লাখ লাখ তহঁত থাকিও একো নেপালি !

ভেড়াৰ পালৰ দৰে আজি বাচি কিয় আছ ?

এন্ধাৰ এন্ধাৰ গলিৰ মাজত ক্ষণ গণিছ ৷

ভেড়া নহৈ তেজাল ঘোঁৰা কিয় নহ’লি

লাখ লাখ তহঁত থাকিও একো নেপালি ৷

কথা:-

জন-অৰণ্য,ধোদ জঘন্য, পুঁজিপতি ধন্য 

গীত:-
জন-অৰণ্য,ধোদ জঘন্য, পুঁজিপতি ধন্য 

বনুৱা পন্য , গন্য-মান্য সমাজো অনন্য

মুখা পিন্ধা বৰ মানুহক প্রনাম কৰিলি

নাই নাই নাই তোৰ ইজ্জত বেচিলি ৷

ঢাক্ তো মাথোঁ বাজনা নহয়

ঢাক্ তহঁতৰ অস্ত্র

ঢাক্ তো মাথোঁ বাজনা নহয়

ঢাক্ তহঁতৰ অস্ত্র

শোষকহঁতক নাঙঠ কৰ

কাঢ়ি সিহঁতৰ বস্ত্র.. !

(এক) নতুন সমাজ গঢ়িবলৈ পণ কৰিলি !

জাগ্ জাগ্ তেজাল ঘোঁৰাৰ চিঞৰ মাৰিলি ৷

নতুন সমাজ গঢ়িবলৈ পণ কৰিলি

নতুন সমাজ গঢ়িবলৈ পণ কৰিলি

নতুন সমাজ গঢ়িবলৈ পণ কৰিলি ৷৷

(ইউনিক'ডীয় ৰূপান্তৰ - দিগন্ত শইকীয়া)