উত্তৰে পানী...
এই পানী
কিযে পানী
দুৰ্ব্বিষহ পানী
তৃষ্ণাৰ্ত্তৰ ই
নহয়তো পানী
শুকান ধৰিত্রীৰ অশ্রুভৰা
নহয় ই আকূতি এই
বানপানী ৷৷
এই পানী ত্রাসৰ
এই পানী বেজাৰৰ
এই পানী মৃত্যুৰ
কুসংবাদ ৷
এই পানীয়ে
মাতৃস্তনৰ পৰা
কেঁচুৱাক কাঢ়ে
নি
মৃতদেহলৈ পৰিণত
কৰে ৷
উত্তৰে পানী ...
এই পানীয়ে
মানুহৰ সকলো
বুদ্ধি-বৃত্তিক
উপলুঙা কৰি কৰি
লথিয়াই থৈ যায়
সহস্র গাঁৱৰে
ঘাট ৷
এই পানী ভয়াৱহ
বিষাক্ত মৃত্যুৰ
মহা আৰ্ত্তনাদ
উত্তৰে পানী....
(গুৱাহাটী: ৩১ মে’ ১৯৯০ চন)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment