মঙ্গল হওক
ন-শতিকাত , মঙ্গল সবাৰ
প্রতি গৃহে
শান্তি আহক,সমৃদ্ধি অপাৰহে ৷৷
ঊষাকালৰ
সোণোৱালী ৰ’দ, চোতালত ভৰি ৰয়
অন্ধজনেও দেখক
আকৌ, নৱ সূৰ্য্যোদয়হে ৷৷
সোণৰ বৰণ ধানৰ
খেতি, নাচক হালি-জালি
ডাঁৰ মাৰি
নাৱৰীয়াই,গাওক ভাটিয়ালীহে ৷৷
ডাউকে মাতক বিলৰ
পাৰতে , কোকিলে ডালে ডালে
শান্তি-কপৌ বহক
পুনু, সবাৰ ঘৰৰ চালেহে ৷৷
অৰ্দ্ধমৃত
মূল্যবোধে, এয়া নতুন জীৱন পায়
অলস নিদ্রাৰ ঘোৰ
ভাঙি দি, জাগৰণী গায়হে ৷
মঙ্গল হওক ন
শতিকাত মঙ্গল তোমাৰ ৷৷
(১৮ জুন, ১৯৯৪ চন)
(ভূপেন হাজৰিকাদেৱৰ গীত)
(ইউনিক'ডীয় ৰূপান্তৰ - দিগন্ত শইকীয়া)
No comments:
Post a Comment