অগ্নিগড়ৰ স্থাপত্য

অগ্নিগড়ৰ স্থাপত্য

কলিয়াভোমোৰাৰ

সেতু নিৰ্ম্মাণ-জ্ঞান-জ্যোতিৰ্ম্ময়

এহি স্থানতে বিৰাজিছে

তেজপুৰ বিশ্ববিদ্যালয় ৷

ভূগৰ্ভৰ পৰা গ্রহ-নক্ষত্রত

গণনাৰে কৰোঁ বিচৰণ

বিজ্ঞান-জোৱাৰৰ অগ্রগতিক

আহুতিৰে কৰোঁ ৰূপায়ন

আয়ত্ত কৰি কলা-কৌশল

কৰি যাওঁ দিক্‌ নিৰ্ণয়

মানৱতাবাদৰ ধ্যানৰ প্রতীক

তেজপুৰ বিশ্ববিদ্যালয় ৷

বৰলুইত বৈ যায়                                      

কাষেদি আমাৰ

সেই শক্তিৰে উজলাম দুটি পাৰ

সোপান বগাম

তীব্র গতিৰে

প্রযুক্তিবিদ্যাৰে হৈ নিৰ্ভয়

জীৱন-যুঁজত বিজ্ঞান সাৰথি

তেজপুৰ বিশ্ববিদ্যালয় ৷৷                             

(তেজপুৰ)

(ভূপেন হাজৰিকাদেৱৰ গীত)

ইউনিক'ডীয় ৰূপান্তৰ : দিগন্ত শইকীয়া

[পঙ্কজজ্যোতি মহন্ত ,গীতটো চকু ফুৰাই দিয়াৰ বাবে ধন্যবাদ ৷ তেজপুৰ বিশ্ববিদ্যালয়ৰ সঙ্গীত হিচাপে থকা গীতটো চালো , তাত এহি > সেহি, ৰূপ > ৰূপায়ন শব্দকেইটাৰ মিল নাই ৷মই গীতটো ইউনিক'ডীয় ৰূপত লিখিবলৈ লওঁতে "ড৹ ভূপেন হাজৰিকাৰ গীত সমগ্ৰ" নামৰ কিতাপখনৰ সহায় লৈছিলো ( পৃষ্ঠা ৪০ ত আছে) ৷শব্দকেইটা কি হ'ব পাৰে বাৰু , বিজ্ঞজনৰ পৰামৰ্শ / মতামত আশা কৰিলো ..]