কোন অনামী নদী
শুকাল এই বালিত
পৰি ৰ’ল মাথো
স্মৃতিৰে চিন
মোৰো মনো যেন
বালিয়ে ডুবুৱা
কৰুণ নদীৰ দৰে
নিকৰুণ উদাসীন
কোন অনামী নদী
শুকাল এই বালিত ৷
-
বালিছন্দা যেন
চকুৰ টোপাল হ’ল
বালিছন্দা যেন
চকুৰ টোপাল হ’ল
কোন নদী এই
শৰীৰ দৰে
বালিতে টোপনি গ’ল !
বালিতে টোপনি গ’ল
এই নদী যেন এটি
শুই থকা দুপৰীয়া হুমুনিয়াহ
উদাসীন..
অন্তবিহিন..!
নিকৰুণ উদাসীন...
নিকৰুণ উদাসীন...
-
যি নদী এইয়া
বালিতে বিলীন
ভঙা শামুকৰ কণিকাত
মাথো ৰ’ল চিন
মনো যেন মোৰ
শূন্যতাৰ দৰে
মনো যেন মোৰ
শূন্যতাৰ দৰে
জীৰ্ণ-শীৰ্ণ ক্ষীন
নিকৰুণ ..
উদাসীন...
অন্তবিহীন ৷৷
-
কথাঃ জয়ন্ত বৰুৱা
সুৰঃ অজিত সিংহ
কথাঃ জয়ন্ত বৰুৱা
সুৰঃ অজিত সিংহ
(ভূপেন
হাজৰিকাদেৱৰ কণ্ঠেৰে নিগৰিত গীত)
(ইউনিক'ডীয় ৰূপান্তৰ - দিগন্ত শইকীয়া)
No comments:
Post a Comment