অসমী আইৰে লালিতা পালিতা

(অসমী আইৰে লালিতা পালিতা

মই তোলনীয়া জী

অসমীৰ সন্মান সদায়ে ৰাখিমে

আৰু নো কওঁ মই কি ) ←২

-

অসমীৰ মাতষাৰ আজীৱন শুনিলোঁ ←২

বিহু সুৰ বিনন্দীয়া←২

বৰগীত জিকিৰক তামোল দি মানিলোঁ ←২

বাটিলোঁ মুগাৰ বটীয়া !

বৰলুইত পাৰৰে শিতলকৈ নাদৰে ←২

মিঠা পানী টুপি পি

অসমীৰ সন্মান সদায়ে ৰাখিমে

আৰু নো কওঁ মই কি

-

অসমী আইৰে লালিতা পালিতা

মই তোলনীয়া জী

অসমীৰ সন্ম্মান সদায়ে ৰাখিমে

আৰু নো কওঁ মই কি

-

পৃথিৱীখনে যি বলকে বলক ←২

অচিন পখীৰে নলওঁ মই লগ

অসমী আয়ে মোক তুলিছে তালিছে ←২

কেনেকৈ হওঁ মই ঠগ

চেনেহক নেওচা দি

অসমীৰ সন্ম্মান ৰাখিমে

আৰু নো কওঁ মই কি

-

অসমী আইৰে লালিতা পালিতা

মই তোলনীয়া জী

অসমীৰ সন্ম্মান সদায়ে ৰাখিমে

আৰু নো কওঁ মই কি 

-

গধুলিৰ কেতেকীৰ সবাসত আমোলমোল ←২

বতাহ খাই গাভৰু হ’লো ←২

অসমীৰ বতাহক বিষেৰে নভৰাওঁ ←২

এইষাৰ কথাকে দিলোঁ !

উদাৰচেতীয়া অসমী আইৰে ←২

মৰমৰ শপতে দি

অসমীৰ সন্ম্মান সদায়ে ৰাখিমে

আৰু নো কওঁ মই কি

-

অসমী আইৰে লালিতা পালিতা

মই তোলনীয়া জী

অসমীৰ সন্ম্মান সদায়ে ৰাখিমে

আৰু নো কওঁ মই কি ।।

-

(কলকাতা: ১৯৮২ চন)
(ভূপেন হাজৰিকাদেৱৰ কথা আৰু কণ্ঠেৰে নিগৰিত গীত)
(এই গীতটো তেখেতে  ঊষা মঙ্গেশকাৰ আৰু ডলি ঘোষৰ কন্ঠেৰেও গোৱাইছে)

ইউনিক'ডীয় ৰূপান্তৰ :  দিগন্ত শইকীয়া