তুমি নতুন পুৰুষ
তুমি নতুন নাৰী
অনাগত দিনৰ জাগ্ৰত প্রহৰী !
কেঁচা জীৱন
সোঁতক
দ্বিগুণ কৰি
সজাবা সমাজ নিজ
হাতেৰে গঢ়ি !
এন্ধাৰ গলিত
আলোক বৰষাৰ
ঢালিবা তুমি উজ্জ্বল বাৰি
তুমি নতুন পুৰুষ
তুমি নতুন নাৰী
অনাগত দিনৰ জাগ্ৰত প্রহৰী !
মৃত্যুঞ্জয়ী
তুমি কৰিবা দমন
শোষকৰ দংশন নোহে চিৰন্তন !
মৃত্যুঞ্জয়ী
তুমি কৰিবা দমন
শোষকৰ দংশন নোহে চিৰন্তন
সঙ্কল্প তোমাৰ হ’বই সফল !
সঙ্কল্প তোমাৰ হ’বই সফল !
দুৰ্ব্বাৰ সাহসৰ
পথ উজ্জ্বল
তুমি নতুন পুৰুষ
তুমি নতুন নাৰী
অনাগত দিনৰ জাগ্ৰত প্রহৰী !
তুমি নৱ সপোন
নৱ অঙ্গীকাৰ !
তুমি নৱ সংগ্রাম !
শত শত ঝন্ ঝাৰ !
বিপদৰ প্রস্তৰ
বিচূৰ্ণ কৰি
সজাবা নতুন পথ
হাতেৰে গঢ়ি !
বজাবা তুমি আশাৰ গগনা
নোপোৱাৰ হাহাকাৰ নোহোৱা
কৰি
তুমি নতুন পুৰুষ
তুমি নতুন নাৰী
অনাগত দিনৰ জাগ্ৰত প্রহৰী !
তুমি নতুন পুৰুষ !
তুমি নতুন নাৰী !
অনাগত দিনৰ জাগ্ৰত প্রহৰী !
(কলকাতা,১৯৭০)
(ভূপেন হাজৰিকাদেৱৰ কন্ঠেৰে নিগৰিত গীত)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment