অ’ ককাইটি অ’

[Bhupen Hazarika's songs and Lyrics:- O Kokaiti O]

ভায়েক :     অ’ ককাইটি অ’ ......... ৷

ককায়েক : কি হ’ল … কি হ’ল অ’ ?

ভায়েক :     চুচুক্-চামাককৈ দীপালীজনীয়ে কিয়

                   মোৰ পিনে ৰ’ লাগিচায় ?

ককায়েক :  ভাইটি, তই বুজিকে পোৱাহে নাই ৷

                   ভাইটি , তাই বোধ হয় তোকেই ভাল পায় !

ভায়েক :     সৌ কৰৱীজনীয়ে কিয় মৰমী চাৱনিৰে

                    খিৰিকীমুখত থিয় হয় ?

ককায়েক : ভাইটি এইয়া প্রথম প্রমৰে পৰিচয় ৷

                   ভাইটি এইয়া মৰম বোটলাৰ সময় ৷

ভায়েক :     পিচে দীপালী কৰৱীকে

                   দীপক বৰুৱাৰ সতে

                   মিলা দেখি কিবা ভাৱ হয় !

ককায়েক : অ’ তেনে ভীষন কথা হ’ল ভাই

                   তেনে মোৰ উপদেশ দিবলৈ নাই

                   তহঁতৰ বয়স ৰঙীন সৰস

                   বুজিও নুবুজ একো ৷

দুয়ো :         যেনিয়ে চকু যায়, তেনিয়ে থমকি ৰয়

                   নেচাবৰ মন নাই কাকো ৷

ভায়েক :     আৰু লিপিকা দেৱীয়ে কিয়

                   নীলা নীলা চিঠিৰে

                   বহু বহু মিঠা কথা কয় ?

ককায়েক : ভাইটি, তোৰ সমান আৰু অঁকৰা নাই

                   শুনিছোঁ বহুতলে চিঠি লিখে তাই

ভায়েক :     আৰু সৌজনী অঞ্জনা হংস খোজেৰে দেখোঁ

                   মোৰ পিনে আহে আগুৱাই !

ককায়েক : ভাইটি, তই সাৱধান হোৱা কিয় নাই ?

                   বহুতে কয় বহুতকে ভাল পায় তাই ৷

ককায়েক :  কথা: সাৱধান কৰি দিছোঁ কিন্তু ..

ভায়েক :     সৌৱা মিচিক-মাচাক্ কৈ

                   হাঁহি হাঁহি চম্পাই

                   মিঠাকৈ কিয় গীত গায় ?

ভায়েক :     কাইটি তয়ো দেখোঁ বুজি পোৱা নাই ৷

ককায়েক :  বুজিছোঁ  গাইছে তোকেই শুনাই ৷

ভায়েক :     কাইটি তয়ো গীতৰে ভাষা বুজা নাই

ককায়েক :  বুজিছো গীতৰ বাহিৰে একো নাই ৷

( কলকাতা , ১৯৬৮ চন )

(জয়ন্ত হাজৰিকা আৰু ভূপেন হাজৰিকাদেৱৰ কন্ঠেৰে নিগৰিত গীতটি)

ইউনিক'ডীয় ৰূপান্তৰ - দিগন্ত শইকীয়া