পাহাৰৰ সিপাৰে
ধুনীয়া ৰহদৈয়ে
দুখৰে সুৰটি গায়
বনগীতসুৰীয়া
গীতৰে আঁৰতে
চেনাইৰ কথাটি কয়
৷
বুকুহে হমেহমায়
৷
পাহাৰৰ হৰিণী
চকুযোৰ শুৱনি
চকুলো বাগৰি যায়
সুদূৰৰ চেনায়ে
বুজেকে নেপায়
মাথোঁ সুৰ বলিয়া
হয়
বুকুহে হমেহমায়
৷
চাকৈয়ে নেপায়
চকোৱাৰ লগ
মাজত চেঙেলীয়া নৈ
ৰহদৈ চেনাইৰ
মাজতে বাধা ঐ
সমাজৰ পাহাৰখন
ৰয় ৷
বুকুহে হমেহমায়
৷
এন্ধাৰৰ চোতালত সমাজ বহি আছে
বিচাৰৰ শৰাইখন
লৈ
বিচাৰৰ শৰাইতে
বিচাৰ নাইকীয়া
এলান্ধুকলীয়া
ছাই ৷
বুকুহে হমেহমায়
৷
পাহাৰ ভাঙি ভাঙি
অগনি উৰিছে
ৰহদৈ লৱৰি পলায়
একোকে নিবিচাৰে
আমাৰে চেনায়ে
জিকে সাবটি লয় ৷
বুকুহে হমেহমায়
৷
(কলকাতা : ১৯৬২ চন )
(ভূপেন
হাজৰিকাদেৱৰ কন্ঠেৰে নিগৰিত গীত)
(ইউনিক'ডীয় ৰূপান্তৰ - দিগন্ত
শইকীয়া)
No comments:
Post a Comment