[শ্ৰদ্ধাঞ্জলি, স্বৰ্গীয় জয়ন্ত হাজৰিকাৰ সুৰাৰোপিত বোলছবি আৰু
কিছু বাণীবদ্ধ কৰা গীত পৰিবেশিত হৈছে নতুনকে । আশাকৰোঁ অসমৰ শ্ৰোতা ৰাইজে আদৰি ল’ব ।... ঠিক ৰাণাৰ মৃত্যুৰ পিছতে মোৰ আছিল এয়া চেনেহাঞ্জলি.... ]
অ’ মোৰ মৰমৰ জয়ন্ত !
ৰাণা
ভাইটী !
তোৰ জয়ৰ অন্ত নাই..
তোৰ শৈশৱ সুৰময়..!
তোৰ কৈশোৰ সুৰ সৃষ্টিৰ শোৰ
তোৰ যৌৱন চন্দ্ৰ-সুৰ
প্ৰকাশৰ সুৰ্ব-সমলয়
গাঁও, দেশ বিদেশৰ শ্ৰোতা
অগণন তোৰ ..
তোৰ কণ্ঠ সজীৱ
সেউজীয়া
মিঠা মাদকতা ভৰা তোৰ
কণ্ঠ !
সহস্ৰ শ্ৰোতা মগন !
তোৰ অনন্য সুৰ
সৃষ্টি শেৱালি কোমল
তোৰ অনন্য সুৰ সৃষ্টি শেৱালি কোমল
তোৰ সুৰ বাহিনীৰ
সাহস প্ৰৱল !
জীৱনৰ ভৰ যৌৱনত
জীৱনৰ ভৰ যৌৱনত !
কৰিলি অভিমান
মৃত্যু সাৱতি অকালতে
তই কৰিলি প্ৰয়াণ
পিছে কলৈ পলাবি ৰাণা ?
তোৰ সুৰ, তোৰ কণ্ঠ,
অজস্ৰ শ্ৰোতাৰেই স্নেহত
হ’ব চিৰ জ্যোতিস্মান
চিৰ জ্যোতিস্মান ।।
[ভূপেন
হাজৰিকাদেৱৰ কন্ঠেৰে নিগৰিত কবিতা আবৃত্তি]
[ইউনিক'ডীয় ৰূপান্তৰ - দিগন্ত শইকীয়া]
No comments:
Post a Comment