মাজ নিশা মোৰ এন্ধাৰ ঘৰত

মাজ নিশা মোৰ এন্ধাৰ ঘৰত

কোনে ঘনে ঘনে অহা যোৱা কৰে

ঘুমতি ভাগিছে বাৰে বাৰে

মোৰ ঘুমতি ভাগিছে বাৰে বাৰে



তুমি কোনহে চিকুণ চোৰ

আজি নিবা নে সর্ব মোৰ

তোমাক নেদেখি দেখিছোঁ

নিচিনি চিনিছোঁ

চৰণৰ ধ্বনিৰে

আঁৰে আঁৰে

মোৰ ঘুমতি ভাগিছে বাৰে বাৰে

মোৰ গোপন ঘৰৰ গভীৰ এন্ধাৰ ভৰি          

কি ধন আছে মই নিজেই নেপাওঁ ধৰি

মোৰ সকলো উদং কৰি

তুমি লৈ যোৱা আজি হৰি

এই এন্ধাৰৰ ধন

পোহৰৰ মাজে

লৈ যোৱা আজি ভাৰে ভাৰে

ঘুমতি ভাগিছে বাৰে বাৰে

                             

(ইউনিক'ডীয় ৰূপান্তৰ  → মিতালী বর্মন)