অবুজ মাতৰ বিবুজ বাতৰি
শুনা প্ৰাণ ভৰি
ইন্দ্ৰধনুৰ বৰণশিখাত লিখা
আলোকময়ী ভাষা
তিমিৰ ওৰণি
ধল ৷
থাকিবিনে শুই
খুলিছে খুলিছে
ৰুদ্ধ দুৱাৰখনি
চকু পদুমৰ পাহিটি তুলি
চা আগত তোৰ
অনাগত অতিথি ৷
জাগা শুভ্ৰ স্ফটিকালোক সম
সুবৰ্ণ কলিৰ ৰেখা
শব্দ সৰসিজ বিকাশ কমল-দল
অৰ্ব্বুদে বৃন্দে
শান্ত সাগৰ সম কণ্ঠ ভৰি ৷
[জ্যোতিপ্ৰসাদ আগৰৱালাদেৱে ৰচা গীত-কৱিতা]
[ইউনিক’ড ৰূপান্তৰ:
দিগন্ত শইকীয়া]
No comments:
Post a Comment