নতুন নতুন সাহ
আহিল নতুন সাহ
আমাৰ বহল বুকুতে
বগলীৰে বগা পাখি জিলিকে আকাশতে
জা-জাবৰ চিকুনাওঁ আমাৰ আপোন হাতে
মৰা সুঁতিৰ ঢল আনো শুকান শুকান মাটিতে
সমাজৰে পিতনিতে মাটি ঢালোঁ ৰঙতে
পঢ়াশুনাৰ চাকিটিক জ্বলালোঁ উলাহতে
সেউজীয়া সপোন আকোঁ জিলমিলি জেউতিতে
হেজাৰ যুগৰ এন্ধাৰকে আঁতৰাম নিজ হাতে
একতাৰে আগবাঢ়োঁ জেউতিৰে বাটে বাটে
সূৰুযৰে ধেমালিৰ ৰাঙলী চোতালতে
পুৰণিৰ গাত নাচে নতুনে উলাহতে
(ইউনিক'ডীয় ৰূপান্তৰ → মালিনী গোস্বামী)
No comments:
Post a Comment