লুইতৰে পানী যাবি অ’ বৈ....
সন্ধিয়া লুইতৰ পানী সোণোৱালী
চহৰে নগৰে যাবি অ’ বৈ
জয়াৰে কীৰিতি দেশে-বিদেশে
সাগৰে-নগৰে ফুৰিবি কৈ ৷
মাটিৰে দেহাটি এৰি জয়মতী
জ্যোতিৰে দেহাটি লৈ
যাউতিযুগীয়া কীৰিতি ৰাখিলা
চানেকি জগতলৈ ৷
এটুপি –দুটুপি তেজে
তিনি টুপি
দেশৰ হকে জয়াই গ’লে
বিলাই
অসমৰ জীয়ৰী অসমৰ বোৱাৰী
এটুপি চকুলো যোৱা পেলাই ৷৷
(***গ্ৰামোফোন ৰেকৰ্ডত ‘জীয়াৰী’ গোৱা হৈছে***)
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment