আজি জনতাৰ থাপনাত
জাগ চিৰসুন্দৰ
তই নচা ছন্দৰে
জনতাৰ অন্তৰ
কঁপাই কঁপাই
জগা
বিশ্বৰ নৱতম তন্ত্ৰৰ
উদ্ধোধনী
মই গাওঁ গানে গানে
আগমনী ৷
জানো
জানো তই আহিবি
জানো
জানো তই হাঁহিবি
জাগ্ৰত জনতাৰ
চোতালে চোতালে তই
নাচি ফুৰিবি
মোৰ কবিতাত তোৰ আগজাননী
তোক আদৰিবলে’
তোক সাদৰিবলে’
সাজু যত নৱবাহিনী ৷
(জ্যোতিপ্ৰসাদ
আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment