তুমি জোন নে (দ্বৈত কন্ঠত)

ভূ:হা:              তুমি জোন নে সোণ নে শিখা ?

নাৰী:                অ’.... মোৰ এটি নাম ..

যৌৱনৰ তৃষা (কথা)

ভূ:হা:              তুমি জোন নে সোণ নে শিখা ?

নাৰী:                অ’ মোৰ এটি নাম

যৌৱনৰ তৃষা

ভূ:হা: কথা:    সাগৰৰ পাৰ

নাৰী: গীত:      অ’... সাগৰৰ পাৰে পাৰে বা..ট

ভূ:হা: গীত:    নিশা.. তুমি মই বহি আছোঁ তা...ত ৷

ভূ:হা: গীত:    তুমি হ’লা লাহৰী

সাগৰৰে লহৰী

নাৰী: গীত:      সৌৱা চোৱাঁ আঁজলিবোৰ

                         কিয় হয় বাউলি ?

সমস্বৰে গীত:  আমি একে হোৱা দেখি

                        লহৰ লেখি লেখি

                        আমি একে হোৱা দেখি

                        লহৰ লেখি লেখি

ভূ:হা: গীত:    সাগৰে হেৰুৱালে যে ভাষা

সমস্বৰে গী:      অ’.. ..

নাৰী: গীত:      আজি জোনাকৰে জিলমিলীয়া নিশা..

ভূ:হা: গীত:    মোৰো.. বঢ়ালাঁ যে জীৱন লালসা.. ৷

নাৰী: গীত:      দুচকুতে মৰমৰে আভা...স

ভূ:হা: গীত:    চেনেহৰে অপৰূপ প্রকা...শ

নকৰিবা ভয় নাই সংশয়

আছে মাথোঁ মিলনৰে আশা ..

তুমি জোন নে সোণ নে শিখা ?

নাৰী:                অ’.. মোৰ এটি নাম

যৌৱনৰ তৃষা.. ৷

ভূ:হা: গীত:    সুগন্ধী সনা কেশ

                        কি মিঠা আৱেশ

 নাৰী:               তোমাৰ বুকুখন

আকাশ যেন এখন

সমস্বৰে :         সেই আকাশৰে গাত

                        বিশাল তুলাপাত

                        সেই আকাশৰে গাত

                        বিশাল তুলাপাত

ভূ:হা: গীত:    প্রেমেৰে তাত ইতিহাস লিখা

ভূ:হা:              অ’.. তুমি জোন নে সোণ নে শিখা ?

নাৰী:                অ’ মোৰ এটি নাম ..

যৌৱনৰ তৃষা  ৷৷

(কলকাতা: ১৯৭৮ চন)

(ভূপেন হাজৰিকাদেৱ আৰু বিউটি শৰ্মা বৰুৱাৰ কণ্ঠেৰে নিগৰিত গীত)

ইউনিক'ডীয় ৰূপান্তৰ - দিগন্ত শইকীয়া