মই সপোন পুৰীৰ
ৰূপকুঁৱৰী
হাতত মৃণালৰে
খাৰু
অ’ কানত পদুমৰে কেৰু
পখিলীৰ স’তে মই ৰঙা ৰঙা পাখিৰে
মলয়াত উৰি ফুৰোঁ
৷৷
হাতত মৃণালৰে
খাৰু
অ’ কানত পদুমৰে কেৰু ৷
ৰামধেনু ৰঙেৰে
ৰিহাৰ আঁচলৰে
সগৰৰ মুকুতা আনো
পুৱাৰ সূৰুযৰ
ৰঙা ৰ’দখিনি লৈ
ঊষাক ৰাঙলী কৰোঁ
৷
অপৰূপ জগতৰ ৰজাৰ
কোঁৱৰ
সূৰুযৰ স’তে আহি
কাণে কাণে কৈ
যায়
‘তুমি মোৰ, তুমি মোৰ, তুমি মোৰ’ বুলি,
অ’ হাতত মদনৰে বেণু ৷৷
(ভূপেন হাজৰিকাদেৱৰ গীত)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment