অনুসন্ধান আকাংক্ষাত

Sunday, July 21, 2013

লুইতৰ পাৰৰ বৰেচহৰ






লুইতৰ পাৰৰে বৰেচহৰ !

      গুণাৰে বনে কৰা বৰেপাগে পিন্ধি

            তাহানি ধৰিলা বগা ডাৱৰ ৷

ডাৱৰে বুলিলে বেলিক লাজ দিয়ে,

      কি গুণা পিন্ধিছা,

বগী ডাৱৰো বৰণ আমোলাই

      পিন্ধিলা পাগুৰি কিনো পাটৰ

            পাগুৰিত পিন্ধিলা হীৰা-পাথৰ

            লুইতৰ পাৰৰে বৰেচহৰ !

ওজা খনিকৰে, ওজা কাৰিকৰে

      দিলে শিলৰ ঘৰে সাজি,

            তাতে লেখি লেখি,

      জোনবাইৰ সতে কিবা মেলে পাতি,

বৰেচহৰ ! ভাগৰি-জুগৰি

কত ডাৱৰীয়া ৰাতি---

      এটি তৰাৰে দুটি ওলাব বুলি

            ওৰে নিশাটি দিছিলা পৰ

      লুইতৰ পাৰৰে বৰেচহৰ ৷



[জ্যোতিপ্ৰসাদ আগৰৱালাদেৱৰ কবিতা]
[ইউনিক ৰূপান্তৰ: দিগন্ত শইকীয়া]
========================


No comments: