বাণী মন্দিৰত আৰতিৰ গীত

[ আমাৰ প্ৰতিনিধি সম্পাদনা কৰাৰ সময়ৰ কথা, বকুল বনৰ কবি স্বৰ্গীয় আনন্দ চন্দ্ৰ বৰুৱাই মোক এটি গীত গাবলৈ অনুৰোধ কৰি লিখা এখন চিঠি পাইছিলোঁ । গীতটি আছিল “সৌটি বেঁকা বাটৰ মূৰত সোণটিহঁতৰ ঘৰ, দূৱাৰমুখত বহি থাকে সোণটি মৰমৰ”, কিন্তু গীতটো মোৰ গোৱা নহ’ল । যোৱা শতিকাৰ সেই মধুৰ স্মৃতিক গুপুতে বুকুত   সাঁচি ৰাখি আজি নতুন শতিকাৰ আৰম্ভণিত যুগমীয়া কৰিবলৈ ওলাইছোঁ তেখেতৰেই ৰচিত অন্য এটি গীতেৰে, যি হ’ব তেখেতৰ প্ৰতি মোৰ গভীৰ শ্ৰদ্ধাঞ্জলি ]

বাণী মন্দিৰত আৰতিৰ গীত

ৰিণিকি ৰিণিকি কঁপিছে প্ৰাণ

ধৰণিৰ বুকু তেজেৰে ৰাঙলী১

ৰক্তধাৰাত উঠিছে বান ←২

বাণী মন্দিৰত আৰতিৰ গীত

-

সৰগী শিশুৰ সৰল হাঁহিটি

জননী হিয়াৰ চেনেহী তান

-

সৰগী শিশুৰ সৰল হাঁহিটি

জননী হিয়াৰ চেনেহী তান

প্ৰকৃতিয়ে আজি তাণ্ডৱে নাচি

ধ্বংস লীলাৰ কৰে অভিযান

ৰক্তধাৰাত উঠিছে বান ←২

(প্ৰথমখিনি)

-

দিয়া অভিনৱ সুৰৰ লহৰ

জীৱন জয়ৰ নতুন গান

-

দিয়া অভিনৱ সুৰৰ লহৰ

জীৱন জয়ৰ নতুন গান

উথলি উঠক ত্ৰিদিৱ ভুৱন

বওঁক ধৰণিত শান্তিৰ বান ←৩

বাণী মন্দিৰত আৰতিৰ গীত

ৰিণিকি ৰিণিকি কঁপিছে প্ৰাণ

ধৰণিৰ বুকু তেজেৰে ৰাঙলী

ৰক্তধাৰাত উঠিছে বান ←৫

-

কথাঃ- আনন্দ চন্দ্ৰ বৰুৱা

সুৰঃ-  প্ৰণৱীৰাম বৰুৱা

কণ্ঠঃ- ভূপেন হাজৰিকা

ইউনিক’ড ৰূপান্তৰঃ- নীলাক্ষি দেৱী ডেকা, বসন্ত কুমাৰ নাথ আৰু দিগন্ত শইকীয়া