ভূপেন
হাজৰিকাদেৱৰ শেষ গীত আৰু কবিতা
(উৎস: আমাৰ অসম বাতৰি কাকত)
·
আকাশ সাৱটি নামিলোঁ সাগৰত (ভূপেন হাজৰিকাই
লিখা শেষ গীতটো)
(ৰতিমোহন নাথ)
আমাৰ
অসম ১৪ নবেম্বৰ সংখ্যাৰ প্রথম পৃষ্ঠাত উল্লেখ কৰা হৈছিল যে ‘শব্দ
আৰু সুৰৰ পৃথিৱীত/ ধেমালি কৰিলোঁ নানা মুদ্রাৰে’
শীৰ্ষক গীতটো ভূপেন হাজৰীকাই লিখা শেষ গীত ৷ এই গীতটো তেও্ঁ ৰচনা কৰিছিল ২০০৩ চনৰ
৬ মাৰ্চত, মুম্বাইৰ বাসভৱনত ৷ কিন্তু ইয়াৰ পিছতো ড৹ ভূপেন হাজৰিকাই
লিখা গীত ৰচনা কৰিছিল ৷ ২০০৭ চনৰ ২২
মাৰ্চত ‘ড৹ হাজৰিকাই গীত সমগ্র ‘ নামৰ গ্রন্থৰ ৬৩ পৃষ্ঠাত আৰু ‘ড৹ ভূপেন হাজৰিকাৰ ৰচনাৱলী’ৰ
দ্বিতীয় খণ্ডৰ ১১৬০ পৃষ্ঠাত সন্নিৱিষ্ট হৈ আছে ৷
গুৱাহাটীৰ
নিজৰাপাৰৰ ঘৰত ড: হাজৰিকাই লিখিছিল সেই গীতটো :-
‘আকাশ
সাৱটি নামিলোঁ সাগৰত
বুকুত কঢ়িয়ালোঁ আগ্নেয়গিৰি ৷
শব্দৰ বৰষুণে ধৰিলে সাবটি
কন্ঠত সুৰৰ অনন্ত সুঁহুৰি ৷৷
অন্তহীন তৃষাৰে ঘুৰিলোঁ- ফুৰিলোঁ
খুলি দিলোঁ মোৰ জীৱন সঁফুৰা ৷
নাজানো এতিয়া স্মৃতিৰ নিজৰা ৷৷
নাজানো কিমাননো কান্দিলোঁ- হাঁহিলোঁ
সকলো এতিয়া স্মৃতিৰ নিজৰা ৷
প্রমৰ বন্যাই মই ধুৱালোঁ তোমাক
হে’ মোৰ
মৰমৰ বিশ্লেষণদাতা ৷
আবেলিৰ বেলিত আহি দেখিলোঁ তোমাক
তুমি মোৰ হেঁপাহৰ জীৱনশ্রোতা ৷৷’
(ৰতিমোহন নাথ ‘ড: ভূপেন হাজৰিকা ৰচনাৱলী’ৰ কাৰ্যবাহী সম্পাদক)
*************
·
ড: হাজৰিকাৰ আৰু এটা গীতৰ বিষয়ে ...(গৌতম
শৰ্মা)
আমাৰ
অসম ১৪ নবেম্বৰ সংখ্যাৰ প্রথম পৃষ্ঠাত প্রকাশিত ‘মই
জীয়াই আছোঁ সময়ৰ আগে আগে’ শীৰ্ষক প্রতিবেদনত আমি চাৰিটা
বিশেষ তথ্য উল্লেখ কৰিছিলোঁ-
(১) ড৹
ভূপেন হাজৰিকাৰ কন্ঠত শেষ অসমীয়া গীতটো (একেই আকাশ/ একেই মাটি/ একেই
মেঘৰ বৃষ্টি/একেই ভোক/ একেই পিয়াহ/ একেই দুখৰ চকুপানী/পৰিচয় আমাৰ মানৱ জাতি..)
বাণীবদ্ধ কৰা হৈছিল ২০১০ চনৰ ১১ নবেম্বৰত ৷ শাৰীৰিক অসুস্থতাৰ বাবে ষ্টুডিঅ’ৰ পৰিৱৰ্তে ড: হাজৰিকাৰ নিজৰাপাৰৰ ঘৰতে তেওঁৰ কন্ঠৰ শেষ
অসমীয়া গীতটো বাণীবদ্ধ কৰা হৈছিল ৷
(২) ভূপেন
হাজৰিকাই শেষ অসমীয়া কবিতাটো ( এই চকু সেই চকু/সভ্য চকু অসভ্য চকু..) লিখিছিল
২০০৬ চনৰ ২৬ মে’ত- গুৱাহাটী জি এন আৰ চি
হাস্পতালত ৷
৩) ভূপেন
হাজৰিকাৰ কন্ঠত শেষ কবিতাটো- ‘শুনাচোন মোৰ সোণ, সুৱদি সুৰীয়া/ ল’ৰালি
কালৰে সপোন সপোন যেন কথা / সোণৰ বৰণ যেন কথা ..) বাণিবদ্ধ কৰা হৈছিল ২০১০ চনৰ ১৩ নৱেম্বৰত,
নিজৰাপাৰত ৷
(৪) ২০০৩
চনৰ ৬ মাৰ্চৰ দোকমোকালিতে শেষ অসমীয়া গীতটো ( শব্দ আৰু সুৰৰ পৃথিৱীত /ধেমালি
কৰিলোঁ নানা মুদ্রাৰে ..) লিখিছিল মুম্বাইৰ বাসভৱনত ৷
***************
No comments:
Post a Comment