ৰূপকোঁৱৰ জ্যোতিপ্ৰসাদৰ সংক্ষিপ্ত জীৱনালেখ্য

জন্ম →                             ১৭ জুন, ১৯০৩

স্কুলীয়া শিক্ষা→                      তেজপুৰ হাইস্কুল, ডিব্ৰুগড় চৰকাৰী

হাইস্কুল, জৰ্জ স্কুল, ডিব্ৰুগড় ৷

কলেজীয়া শিক্ষা→                  কলিকতাৰ নেশূনেল কলেজত আই. এ দ্বিতীয়

                                        বাৰ্ষিকলৈ ৷ (সেই কলেজ উঠি যোৱাত কলেজীয়া

শিক্ষাৰ সমাপ্তি) ৷

বিলাত-বাস আৰু

উচ্চতৰ শিক্ষা→                         ১৯২৬ চনৰ চেপ্টেম্বৰ মাহত বিলাত-যাত্ৰা ৷

                                        এডিনবৰা বিশ্ববিদ্যালয়ৰপৰা প্ৰাক্‌-স্নাতক পৰিক্ষাত

                                        অৱতীৰ্ণ ৷ প্ৰথমবাৰ অকৃতকাৰ্য ৷ দ্বিতীয়বাৰত

চৰ্তসাপেক্ষে এম্‌. এ পঢ়াৰ অনুমতি লাভ ৷

প্ৰথমে অৰ্থনৈতিক ইতিহাস অধ্যয়ন ৷উচ্চ শিক্ষা

অসমাপ্ত ৷ জাৰ্মানীত সাত মাহ ফিল্ম-শিল্প সম্পৰ্কীয়

শিক্ষা গ্ৰহণ ৷

১৯৩০ চনত স্বদেশলৈ প্ৰত্যাৱৰ্তন ৷ বাটত বিভিন্ন

দেশ ভ্ৰমণ ৷

স্বাধীনতা আন্দোলনত ভূমিকা→  ১৯২১ চনত অসহযোগ আন্দোলনত যোগদানেৰে

আৰম্ভ ৷ ১৯৩০ চনত বিলাতৰপৰা ঘূৰি আহি অধিক

ভূমিকা গ্ৰহণ ৷ ১৯৩২ চনত ১৫ মাহ সশ্ৰম কাৰাদণ্ড

আৰু ৫০০ টকা জৰিমনা ৷ শিলচৰ জেইলত যক্ষ্মাত

আক্ৰান্ত হোৱা সত্ত্বেও কাৰাদণ্ড মিয়াদ পূৰা কৰি

প্ৰত্যাৱৰ্তন ৷১৯৪১-ৰ পৰা কংগ্ৰেছৰ স্বেচ্ছাসেৱক

বাহিনীৰ সংগঠনৰ কামত নিবিড়ভাৱে আত্মনিয়োগ ৷

পিছলৈ বাহিনীৰ সৰ্বাধিনায়ক ৷অসমৰ বিভিন্ন

অঞ্চলত স্বাধীনতা সংগ্ৰাম সংগঠনৰ কাম ৷ ১৯৪২

চনৰপৰা ঘাইকৈ কলিকতাত আত্মগোপন কৰি

থাকি স্বাধীনতা আন্দোলনলৈ বিশিষ্ট সেৱা ৷চৰকাৰৰ

দ্বাৰা ‘ফেৰাৰ’ (absconder) বুলি ঘোষণা ৷১৯৪৩-ৰ

আগষ্টত তেজপুৰত আত্মসমৰ্পণ, আদালতত বিচাৰ

আৰু প্ৰমাণৰ অভাৱত খালাচ ৷ জাতীয় চেতনা-

উদ্দীপক আন্দোলনৰ আৰম্ভণিৰপৰা শেষলৈ গীত-

মাত-নাটক-বক্তৃতাৰে আন্দোলনলৈ ইন্ধন-যোগান ৷

বিৱাহ→                      ১৯৩৬ চনত (কন্যা ডিব্ৰুগড়ৰ দেৱযানী ভূঞা) ৷

সাহিত্য-সঙ্গীত-নাটক-কথাছবি

আদি ক্ষেত্ৰত অৱদান→              ছাত্ৰাৱস্থাত ১৪ বছৰ ব্য়সত’শোণিত কুঁৱৰী’ নাটক

ৰচনা ৷ ১৪-২১ বছৰৰ ভিতৰত কেইবাটাও চুটি গল্প

ৰচনা ৷ মৃত্যুৰ আগলৈকে নাটক, কবিতা, জীৱনী,

শিশু-কাব্য আদি সাহিত্যৰ বিবিধ ক্ষেত্ৰত বিচৰণ ৷

ৰচনা আৰু সুৰ-সংযোজনাত অভিনৱত্বপূৰ্ণ বুজন

সংখ্যক গীতৰ মাজেদি আধুনিক অসমীয়া সঙ্গীতৰ

নতুন ৰূপদান ৷বিভিন্ন অনুষ্ঠানত সাহিত্য-সঙ্গীত-

কলা-সংস্কৃতি বিষয়ক মৌলিক চিন্তা আৰু

অধ্যয়নপুষ্ট ভাষণ প্ৰদান ৷ নতুন চিন্তাৰ পথ-

প্ৰদৰ্শন ৷

১৯৩৪ :        ভোলাগুৰি চাহ-বাগিছাত অস্থায়ী

                ‘চিত্ৰবন’ ষ্টুডিঅ’ সাজি প্ৰথম

                 অসমীয়া কথাছবি ‘জয়মতী’ নিৰ্মাণ ৷

১৯৩৫ :        ‘জয়মতী’ৰ মুক্তিলাভ ৷

১৯৩৬-৩৭ :   বিষ্ণুপ্ৰসাদ ৰাভাৰ সৈতে যুতীয়াভাৱে

                 ‘জয়মতী’ আৰু ‘শোণিত কুঁৱৰী’

                 ৰেকৰ্ড-নাট্য প্ৰযোজনা ৷

১৯৩৭ :       তেজপুৰত ‘জোনাকী’ চিনেমা হল

নিৰ্মাণ ৷

                                        ১৯৩৯ :        দ্বিতীয় অসমীয়া কথাছবি ‘ইন্দ্ৰমালতী’

                                                          অভিলেখ সময়ত নিৰ্মাণ ৷

                                        ১৯৪০ :        তেজপুৰ সঙ্গীত বিদ্যালয় স্থাপন ৷

সংবাদ-সেৱা                      ১৯৪৪ চনৰপৰা বন্ধ হৈ থকা “অসমীয়া’ কাকতৰ

পুনৰ প্ৰকাশ আৰু সম্পাদনা (সাত মাহ) ৷

অসমত বিশ্ববিদ্যালয় স্থাপনৰ সপক্ষে সৰব প্ৰচাৰ ৷

বিশ্ববিদ্যালয় নিৰ্মাণৰ বাবে স্থাপত্যৰ আৰ্হি-প্ৰদান ৷

বাগিছা পৰিচালনা                  স্বাস্থ্যজনিত কাৰণত কাকতৰ সম্পাদনা ত্যাগ ৷

ডিব্ৰুগড়ৰ ওচৰৰ তামোলবাৰী বাগিছাৰ পৰি-

চালনাৰ ভাৰ গ্ৰহণ ৷ শ্ৰমিক-মালিক সম্পৰ্কৰ নতুন 
ৰূপদানৰ প্ৰচেষ্টা ৷ নাটক, চিত্ৰনাট্য, কবিতা, গীত , 

গল্প আৰু উপন্যাস, প্ৰবন্ধ,  আদিৰ ৰচনা অব্যাহত ৷

কঠিন ব্যাধি আৰু মৃত্যু              জীৱনৰ শেষৰ সময়চোৱা দুৰাৰোগ্য কৰ্কট

                                         ৰোগত আক্ৰন্ত হৈ চিকিৎসাধীন ৷

                                         মৃত্যু : ১৯৫১ চনৰ জানুৱাৰীত, ৪৮ বছৰ বয়সত ৷

[ উৎস: ‘জ্যোতিপ্ৰসাদ ৰচনাৱলী’ দ্বিতীয় সংস্কৰণ, ১৯৮৬]

[ ইউনিক’ড ৰূপান্তৰ : দিগন্ত শইকীয়া]