তোৰ কোলাতে জনম লভিলোঁ আই অ' আই

তোৰ কোলাতে জনম লভিলোঁ আই অ' আই

যিখনি দেশতে জীৱন বোলালোঁ←২

সেইখন দেশৰে ছবি মোহনীয়া

সদায়ে থাকিব বুকুতে সজোৱা আই অ' আই

আমাৰ সুৱাগী আই

তোৰ যে তুলনা নাই

তোৰ কোলাতে জনমে লভিলোঁ আই অ' আই

-

(মৰমী জলধী সাতুৰি নাদুৰি

মিলিজুলি উজলাওঁ

সমাজৰ পদূলি)←২

কীৰ্ত্তন বাইবেল কোৰাণ...

বুকুৰে থাপনাত থৈছোঁ সজাই

সাহসৰ বৰকাঁহ বজাই

অ' আই

সাহসৰ বৰকাঁহ বজাই

তোৰ কোলাতে জনমে লভিলোঁ আই অ' আই

যিখনি দেশতে জীৱন বোলালোঁ←২

সেইখন দেশৰে ছবি মোহনীয়া

-

এতিয়া কি হ’ল সমৰ হ’ল←২

(পোহৰৰে সেনানিয়ে

জিকিলেহি ৰণ )←২

সাগৰো মথিলে

অমৃতো ওলালে

মাণিকো জিকেমিকায়

কপৌয়ে ৰমলিয়ায়

কুলিয়ে উৰুলিয়ায়

আয়ে মোৰ নজীৱন পায় ←৩  ।।

-

[ভূপেন হাজৰিকাদেৱৰ কণ্ঠৰে নিগৰিত গীত]

[ইউনিক’ড ৰূপান্তৰঃ- দিগন্ত শইকীয়া]