কথাৰে নহয় বন্ধু
কামত পৰিচয় |
কথাৰে নহয় বন্ধু
কামত পৰিচয় |
জীৱন যুঁজত আছে সদা
জয়-পৰাজয় |
কথাৰে নহয় বন্ধু
কামত পৰিচয় |
এই পৃথিৱীৰ ৰূপে-ৰসে
ৰিঙিয়াই মাতে
মানুহে মানুহে য’ত
মনৰ কথা পাতে |
এই মানুহৰ চৰণ ধুলি
হাতৰ সমল হয় |
কথাৰে নহয় বন্ধু
কামত পৰিচয় |
হিংসা-দ্বেষৰ ৰঘুমলাই
কি কৰিব পাৰে ?
জুয়ে পোৰা সোণ হৈ বোলে
উচ্ছল ৰূপ ধৰে |
হহাঁ-কন্দাৰ মেলাতে
যাৰ নিত্য অবাধ গতি,
সেই গতিৰে গতিপথত
সুন্দৰৰে জ্যোতি |
সেয়ে তাৰ জীৱন পথ
চিৰ জ্যোতিষ্ময় |
কথাৰে নহয় বন্ধু
কামত পৰিচয় |
জীৱ্ন যুঁজত আছে সদা
জয়-পৰাজয় |
কথাৰে নহয় বন্ধু
কামত পৰিচয় |
কথা: পুৰোষোত্তম দাস , সুৰ: মুকুল বৰুৱা
শ্ৰাব্য এলবাম: “মোৰ গীত”
(মিউজিক মেকাৰ্চ, ফাঁচি বজাৰ,
গুৱাহাটী)
(ইউনিক’ডীয় ৰূপান্তৰ-প্ৰাঞ্জল বড়া)
No comments:
Post a Comment