কণ্ঠঃ নমিতা ভট্টাচার্য্য
কথাঃ কেশৱ মহন্ত
সংগীতঃ ৰমেন বৰুৱা
বোলছৱিঃ মানসী
শুনা শুনা এই গান শুনা
ফুলে ফুলে মৌ গুণগুণাই শুনা
গুণগুণায়...
শুনা শুনা এই গান শুনা।
বা লাগি হালে জালে
ছাঁ পৰি থমকিলে
গছে পাতে ডালে ডালে
নাচে মন তালে তালে
উলাহতে আকোঁৱালে
উলহ মালহ লাগি যায়
বনে বনে সৌ ফুল ফুলায় চোৱা
ফুলফুলায়...
মনৰ গজিলে পাখি
কোনেনো ধৰিব ৰাখি
জিৰাব নাজানে সি যে
স্বপ্ন ৰচে নিজে নিজে
আপোনাৰ সপোনতে
আপোন পাহৰি যায়
মনে মনেনো কাক বিলায় বাৰু
কাক বিলায়... । ।
-
ইউনিক'ড ৰূপান্তৰঃ অনামিকা বৰা
